തിരുവനന്തപുരം ടെക്നോപാർക്കിന്റെ ഭാവി

കേരളത്തിന്റെ ഐ.ടി വികസനത്തിൽ വളരെ പ്രധാന പങ്കാണ് ടെക്നോപാർക്ക് വഹിക്കുന്നത്. 50,000 ത്തോളം ആൾക്കാർ അവിടെ ജോലി ചെയ്യുന്നു. നമ്മുടെ നാടിന്റെ പൊതുവായ വികസനത്തിൽ തന്നെ ടെക്നോപാർക്കിനുള്ള പങ്ക് ആർക്കും നിഷേധിക്കാൻ സാധിക്കില്ല.

അങ്ങനെയുള്ള ടെക്നോപാർക്ക് കടം കയറി നാശത്തിന്റെ വക്കോളം എത്തി നിൽകുന്നു എന്നത് മലയാളികൾക്ക് എല്ലാം തന്നെ അത്ഭുതവും നിരാശയും ആധിയും ഉണ്ടാക്കുന്നതാണ്. RBIയുടെ ഔദ്യോഗിക റേറ്റിങ്ങ് ഏജൻസി ആയ CRISIL ടെക്നോപാർക്കിന്റെ റേറ്റിങ്ങ് 'CRISIL D' ആക്കി കുറച്ചിരിക്കുന്നു (http://www.crisil.com/ratings/company_fact_sheet.jsp?ID=ETPK# ). 

അതായത് അവരുടെ ഏറ്റവും താഴ്ന്ന റേറ്റിങ്ങ് (http://www.crisil.com/ratings/credit-rating-scale.html) !!! ബാങ്കുകൾ കടം തിരിച്ചു പിടിക്കാൻ ജപ്തി ഉൾപ്പടെയുള്ള നടപടികളിലേക്ക് കടന്നാൽ അത്ഭുതപെടാനില്ലാ.

ഈ അവസ്ഥയിൽ ഉള്ള ടെക്നോപാർക്കിൽ അറിയപെടുന്ന ഐ ടി കമ്പനികൾ ഇനി മുതൽ മുടക്കാൻ തയ്യാറാകുമോ എന്ന് കണ്ട് തന്നെ അറിയണം. ഇപ്പോൾ അവിടെ പ്രവർത്തിക്കുന്ന സ്ഥാപനങ്ങളെ ഇത് എങ്ങനെ ബാധിക്കും എന്നത് ഒരു പ്രധാന ചോദ്യമാണ്. അതായത് പുതിയ ജോലി സാധ്യതകളെക്കാളും ഇപ്പോൾ ഉള്ള തൊഴിൽ അവസരങ്ങൾ കൂടി നഷ്ടപെടാൻ ഇടയാകുമോ എന്ന് ഭയക്കേണ്ടിയിരിക്കുന്നു.





നാം പ്രതികരിക്കുകയും സർക്കാരിനെ ഈ പ്രശ്നത്തിന്റെ ഗൌരവം ബോധ്യപെടുത്തുകയും ചെയ്തില്ലെങ്കിൽ നമ്മുടെ നാടിനുണ്ടാകാൻ പോകുന്ന നഷ്ടത്തിന് നാമും ഉത്തരവാധികളാകും.